Funny Message Back Side of Auto Rikshaw Video : अनेकजण आपापल्या टू व्हीलर, फोर व्हीलरवर वेगवेगळी नावं, घोषवाक्य, देवाचा मंत्र आदी लिहित असतात. रिक्षावाले आणि ट्रकवाले यात सर्वांत पुढे असतात. घरातल्या लहान मुलांची नावे, पत्नीचे नाव, शेर-शायरी, आई-वडिलांविषयी कृतज्ञता किंवा देवाचे नाव-मंत्र अशा प्रकारचं यात लिहिलेलं पाहायला मिळतं. काही पाट्या खूपच गंमतशीर असतात. अनेकदा ते व्हायरलही होतात. अशाच एका रिक्षाचालकानं सासूविषयी काहीतरी भन्नाट लिहिलं होतं. याचा व्हिडिओ व्हायरल झाला आहे. रिक्षाचालकाच्या डोक्यालिटीला नेटिझन्सनी दाद दिली आहे.
हेही वाचा - थडथड भांडी पडण्याचा आवाज आला.. पाहते तर काय.. स्वयंपाकघरात होता विषारी साप; मग या महिलेनं काय केलं पाहा..
दुचाकी, चारचाकी, ट्रकवाले, ऑटोचालकांच्या डोक्यातील प्रतिभा अधून-मधून डोकावत असते आणि ही कला इतरांच्या चेहऱ्यावरही हास्य फुलवत असते. शेर-शायरी, म्हणी, टोमणे यांचा वापर दुसऱ्यांवर आपल्या गाडीचा प्रभाव पाडण्यासाठी असो किंवा आवड म्हणूनही केला जातो. गाड्यांच्या मागे अशी वाक्यं लिहिणं हा एक कायमचा ट्रेंड झाला आहे. दरम्यान, अशाच एका रिक्षाचा मागे लिहिलेलं वाक्य सोशल मीडियावर व्हायरल होत आहे. या रिक्षाचा व्हिडीओही सध्या सोशल मीडियावर मोठ्या प्रमाणात व्हायरलही होतोय. रिक्षाचालकाची कला याच पाटीमुळे सर्वांसमोर प्रकटली आहे.
रस्त्यावरून प्रवास करताना अनेकदा ऑटोरिक्षावर, टॅक्सी किंवा बाईक्सच्या मागे काही भन्नाट कोट्स लिहिलेले असतात, जे वाचून अनेकदा खूप हसायला येते. तसेच, प्रश्नही पडतो की, या लोकांना एवढं भन्नाट लिहायला सुचत कसं… पण काही वेळा रिक्षा किंवा काही वाहनांच्या मागे असे काही कोट्स लिहिलेले असतात जे फार भावनिक असतात किंवा तुम्हाला विचार करायला भाग पाडतात, तसेच तुमच्या आयुष्यातील व्यक्तींबरोबरच्या आठवणी ताज्या करतात. त्यामुळे असे कोट्स नेहमीच लोकांचेही लक्ष वेधून घेतात. सध्या असाच एका रिक्षावरील कोट्सचा व्हिडीओ व्हायरल होत आहे.
हेही वाचा - Viral Video : 'विश्वासच बसत नाही.. मी व्हेल माशाच्या तोंडात होतो' 23 वर्षांच्या तरुणाला व्हेल माशाने अख्खं गिळलं.. मग..
या पठ्ठ्यानं आपल्या रिक्षाच्या मागे, चक्क सासूबाईंसाठी मेसेज लिहला आहे. “नवस न करता पावणारी देवी म्हणजे सासू…” सासूचे एक प्रकारे आभार मानण्यासाठी या रिक्षाचालकानं हा मेसेज लिहिला आहे. लेकीच्या सुखासाठी सर्व काही करणारी आई म्हणजेच, या जावयाची सासू त्याच्यासाठी नेहमी पावणारी, सर्व काही देणारी आणि कोडकौतुक करणारी देवी बनली आहे.
व्हायरल होत असलेली ही पोस्ट सोशल मीडियावर harshadamayurlondhe7255 नावाच्या इन्स्टाग्राम अकाउंटसह शेअर करण्यात आली आहे. ही पोस्ट आतापर्यंत 13 हजारांहून अधिक लोकांनी पाहिली आहे. त्यावर लोकांकडून अनेक प्रतिक्रिया येत आहेत. एका वापरकर्त्यावर टिप्पणी करताना त्यानं लिहिलं, “अरेरे सासूनं रिक्षा भेट दिली आहे वाटतं” तर आणखी एकानं, “नवस न करता पावणारे फक्त आई आणि बाप हेच सत्य आहे,” असं म्हटलं आहे.