मुंबई: 'जय जय महाराष्ट्र माझा, गर्जा महाराष्ट्र माझा' या गगनभेदी गीताला अखेर राज्यगीताचा दर्जा मिळाला आहे. महाराष्ट्र सरकारने यासंदर्भात एक महत्त्वपूर्ण निर्णय घेतला असून, राज्यातील सर्व माध्यमांच्या शाळांमध्ये हे गीत आता सक्तीने वाजवले किंवा गायले जाणार आहे.
शासनाने नुकताच यासंबंधीचा निर्णय जाहीर केला असून, या निर्णयानुसार आता शाळांमध्ये राष्ट्रगीत, परिपाठ, प्रार्थना, प्रतिज्ञा यांच्यासोबतच राज्यगीत देखील अनिवार्यपणे समाविष्ट केले जाणार आहे.
महाराष्ट्राच्या अभिमानाचा आवाज असलेल्या या गीताचे शब्द मराठी मनाला सळसळता उत्साह देतात. हे गीत केवळ संगीत न ठेवता, विद्यार्थ्यांच्या मनात राज्यभक्ती आणि संस्कृतीचे भान निर्माण करण्यासाठी प्रभावी ठरणार आहे, असे शिक्षणतज्ज्ञांचे मत आहे.राज्यसरकारच्या या निर्णयाचे अनेक स्तरांतून स्वागत होत असून, मराठी अस्मिता आणि संस्कृती जपण्याच्या दृष्टीने हा एक सकारात्मक पाऊल मानले जात आहे.शाळांमध्ये 'जय जय महाराष्ट्र माझा' हे गीत सकाळच्या परिपाठात किंवा विशेष कार्यक्रमांवेळी गाण्यास सांगितले जाईल, आणि त्यासाठी शिक्षक व विद्यार्थ्यांना पूर्वतयारीची सूचना दिली जाणार आहे.
हेही वाचा: सिद्धिविनायक मेट्रो स्थानकाच्या इंग्रजी नावावरून खळबळ; 'मराठी नाव नाही, तर काचा फोडू!'
संगीत दिग्गज श्रीनिवास खळे यांचे संगीत आणि राजा बडे यांचे शब्द लाभलेले हे गीत आजही प्रत्येक मराठी मनात घर करून आहे. या निर्णयामुळे भावी पिढ्यांमध्ये राज्याविषयी अभिमानाची भावना निर्माण होईल, अशी अपेक्षा व्यक्त केली जात आहे.