Cheteshwar Pujara Net Worth: भारतीय क्रिकेट जगतात टेस्ट क्रिकेटचा अविश्वसनीय स्तंभ म्हणून ओळखला जाणारा चेतेश्वरचेतेश्वर पुजाराने क्रिकेटच्या सर्व फॉरमॅटमधून निवृत्ती जाहीर केली आहे. भारतासाठी 103 टेस्ट सामने खेळणारा पुजारा त्यांच्या शांत स्वभावातील खेळासाठी ओळखला जातो. वनडे मध्ये फक्त 5 सामने खेळले, तरी टी20 मध्ये त्याला संधी मिळालेली नाही. आयपीएलमध्येही त्याचा जास्त प्रभाव नाही. त्यामुळे विराट कोहली किंवा रोहित शर्मा सारख्या खेळाडूंच्या तुलनेत पुजाराची प्रसिद्धी थोडी कमी आहे, तरीही त्यांच्या कमाईची पाहणी केल्यास त्यांची आर्थिक स्थिती थक्क करणारी आहे.
पुजाराची नेटवर्थ अंदाजे 24 कोटी रुपये आहे, तर मासिक उत्पन्न 15 लाख रुपये इतके असल्याचे अहवालात नमूद आहे. टेस्ट खेळाडू म्हणून त्यांनी दीर्घकाळ टीम इंडियासोबत खेळला, तसेच भारतीय घरेलू क्रिकेटमध्ये देखील सक्रिय राहिला. 2022-23 सीझनपर्यंत पुजारा बीसीसीआयच्या सेंट्रल कॉन्ट्रॅक्टमध्ये बी ग्रेड खेळाडू म्हणून समाविष्ट होता, ज्यातून त्याला दरवर्षी 3 कोटी रुपये मिळत होते. त्याशिवाय रणजी ट्रॉफी व इतर घरेलू स्पर्धांमधूनही त्यांना कमाई होत राहिली.
हेही वाचा: Cheteshwar Pujara Retirement: चेतेश्वर पुजाराने केली निवृत्तीची घोषणा; अचानक दिला सुवर्ण कारकिर्दीला ब्रेक
पुजाराने आपल्या कमाईतून आलीशान घर आणि महागड्या कार्स घेतल्या आहेत. जरी ते मोठ्या ब्रँड्ससाठी एंडोर्समेंट्समध्ये फारसा दिसले नाहीत, तरी काही निवडक जाहिरातींमधून त्यांची कमाई होत राहिली. त्यांच्या साध्या जीवनशैलीतही त्यांनी आर्थिक स्थैर्य राखले आहे.
सद्यस्थितीत निवृत्तीनंतर पुजाराचे भविष्य क्रिकेटच्या मैदानाबाहेर दिसते आहे. इंग्लंड दौऱ्यावर ते कॉमेन्टरी बॉक्समध्ये दिसले होते, त्यामुळे असे दिसते की पुजारा आता ब्रॉडकास्टिंग आणि कॉमेंटर म्हणून आपला दुसरा प्रवास सुरू करणार आहे. तसेच, कोचिंग क्षेत्रातही त्याच्यासाठी संधी उपलब्ध आहेत, ज्यात तो तरुणांना आपली टेस्ट क्रिकेट तंत्र शिकवू शकतो. याशिवाय क्रिकेटशी संबंधित इतर कार्यक्रम व प्रशिक्षण शिबिरे घेणे ही एक आर्थिक आणि व्यावसायिक संधी बनू शकते.
हेही वाचा: Virat Kohli: निवृत्ती की नवा डाव? विराटच्या तयारीने BCCI बुचकळ्यात
पुजाराची निवृत्ती म्हणजे केवळ क्रिकेटपासून विश्रांती नाही, तर त्याच्या अनुभवातून आणि तंत्रातून अनेक युवा खेळाडूंना फायदा होईल. आर्थिक दृष्ट्या त्याने स्वतःची व्यवस्थित तयारी केली आहे, त्यामुळे निवृत्तीनंतरही त्याच्या कमाईचे अनेक मार्ग खुले आहेत. क्रिकेटसह निवृत्ती नंतरच्या जीवनातही पुजाराची सुसंस्कृत आणि ठाम आर्थिक योजना त्याच्या यशाचे दर्शन देते.
चेतेश्वर पुजाराने क्रिकेटमधून निवृत्ती घेतली तरी त्याच्या अनुभवावर आधारित कमाई, ब्रॉडकास्टिंग, कोचिंग आणि निवडक एंडोर्समेंट्सच्या माध्यमातून त्याचे आर्थिक सुरक्षित आहे.