Sugar Side Effects: भारतातील जेवणाची थाळी गोडाशिवाय अपूर्ण वाटते. सण, समारंभ, वाढदिवस किंवा साधं जेवण मिठाई आणि गोड पदार्थ हमखास हवेच. पण गोडाची चव जितकी आनंद देते तितकीच ती शरीरासाठी धोकादायक ठरू शकते. अनेक संशोधनांमधून सिद्ध झालं आहे की, साखरेचं जास्त सेवन केल्याने फक्त वजन वाढत नाही तर त्वचा, हृदय आणि संपूर्ण आरोग्यावर विपरीत परिणाम होतो.
त्वचेवर परिणाम
जास्त गोड खाल्ल्याने शरीरात ग्लायकेशन प्रक्रिया सक्रिय होते. यामुळे त्वचेतील कोलेजन आणि इलास्टिन नावाच्या प्रोटीन्सचं नुकसान होतं. त्याचा परिणाम म्हणून त्वचेची लवचिकता कमी होते, चेहऱ्यावर सुरकुत्या, रेषा दिसू लागतात आणि अकाली वृद्धत्वाची चिन्हं स्पष्ट होतात. वयाच्या तिशीतच चेहरा सैल पडलेला आणि थकलेला वाटू शकतो.
हेही वाचा: Health Tips: 'या' सात सवयी किडनीला हानी पोहोचवू शकतात, जाणून घ्या...
मुरुमं आणि त्वचेची समस्या
साखरेमुळे शरीरातील इन्सुलिनची पातळी अचानक वाढते. यामुळे तेलाचं उत्पादन वाढतं आणि त्वचेवर मुरुमं होतात. मुरुमांसोबतच बॅक्टेरियाचा धोका वाढतो, ज्यामुळे इन्फेक्शन होऊ शकतं. मधुमेहींमध्ये ही समस्या आणखी गंभीर बनते.
पिग्मेंटेशन आणि काळसरपणा
साखरेचं जास्त प्रमाण हार्मोनल असंतुलन निर्माण करतं. यामुळे चेहऱ्यावर काळे डाग, ठिपके आणि पिग्मेंटेशन दिसू लागतं. विशेषतः ज्यांना आधीपासून त्वचेच्या समस्या आहेत, त्यांच्यासाठी गोड पदार्थ आणखी त्रासदायक ठरतात.
लठ्ठपणा आणि त्याचे परिणाम
जास्त गोड खाण्यामुळे पोट आणि चेहऱ्यावर चरबी साठते. डबल चिन दिसू लागते, गाल निस्तेज दिसतात. शरीरातील चरबी वाढल्यामुळे हृदयविकार, मधुमेह आणि रक्तदाब यांसारख्या आजारांचा धोका वाढतो.
हेही वाचा: Mushroom Health Benefits: फक्त चवदारच नाही, मशरूम तुमच्या आरोग्यासाठीही आहे सुपरफूड ;जाणून घ्या फायदे
पर्याय काय?
साखर पूर्णपणे टाळणं कठीण असलं तरी, नैसर्गिक गोड पदार्थ वापरणं योग्य ठरतं. गुळ, खजूर, मनुका यांसारखे पर्याय अधिक आरोग्यदायी आहेत. तसेच, रोजच्या आहारात ताज्या भाज्या, फळं आणि प्रथिनांचं प्रमाण वाढवून गोड पदार्थ कमी करता येतात.
तज्ज्ञांचा सल्ला
त्वचा तरुण आणि चमकदार दिसावी, शरीर तंदुरुस्त रहावं असं वाटत असेल तर गोड खाण्यावर नियंत्रण आवश्यक आहे. त्वचेवर अकाली बदल दिसायला लागले, मुरुमं वाढली किंवा पिग्मेंटेशन जाणवलं तर त्वरित डॉक्टरांचा सल्ला घ्यावा.
:गोड पदार्थ खाल्ल्याने तात्पुरता आनंद मिळतो, पण त्याचे दुष्परिणाम दीर्घकालीन आणि गंभीर असतात. त्यामुळे चमकदार त्वचा आणि निरोगी शरीर हवं असेल तर गोड खाणं मर्यादित ठेवा.
(Disclaimer: ही माहिती केवळ सामान्य ज्ञानासाठी प्रदान केली आहे. जय महाराष्ट्र या माहितीची कोणतीही हमी देत नाही. आरोग्यविषयक कोणताही निर्णय घेण्यापूर्वी तज्ज्ञ किंवा डॉक्टरांचा सल्ला घ्या.)