Mumbai Local: मुंबईची लाईफलाईन असलेली लोकल रेल्वे आता मोठ्या बदलाच्या मार्गावर आहे. शहरातील प्रवाशांची संख्या दिवसेंदिवस वाढत असून, गर्दीच्या पार्श्वभूमीवर रेल्वेने आगामी पाच वर्षांसाठी एक महत्वाकांक्षी योजना तयार केली आहे. या योजनेत लोकलच्या फेऱ्या वाढविण्यासह, शटल सेवा सुरु करण्यावर भर दिला जाणार आहे.
पश्चिम रेल्वेसह तुलनात्मक दृष्टिकोनातून मध्य रेल्वेवरील प्रवाशांची संख्या दिवसेंदिवस वाढत असल्याचे निरीक्षण झाले आहे. काही महिन्यांपूर्वी मुंब्र्यात लोकलमध्ये झालेल्या अपघातात पाच प्रवाशांचा बळी गेला होता, ज्यामुळे रेल्वे आणि राज्य सरकारवर दबाव वाढला होता. या परिस्थितीत रेल्वेने लोकलच्या सुविधेत सुधारणा करण्यासाठी मोठे पाऊल उचलले आहे.
रेल्वेच्या या नवीन प्रकल्पाची एकूण किंमत सुमारे 5,800 कोटी रुपये आहे. या प्रकल्पानुसार उपनगरीय रेल्वेला आठ विभागात विभाजित करून लोकलची वारंवारता वाढविण्याचे नियोजन करण्यात आले आहे. मुख्य योजना अशी आहे की गर्दीच्या वेळेत सीएसएमटी ते कल्याण जलद सेवेमध्ये दर चार ते सहा मिनिटांनी लोकल सुटतील, ज्यामुळे प्रवाशांना वेळ वाचवता येईल आणि प्रवास अधिक सुरळीत होईल.
हेही वाचा: BJP On Sandeep Deshpande : भाजपच्या कार्यकर्त्यांनी केली संदीप देशपांडेंच्या 'इंदुरी चाट आणि बरंच काही...' हॉटेलवर टीका
या योजनेत उपमार्गिका तयार करून सीएसएमटी ते कल्याण मार्गावर कुर्ला येथे 14 आणि ठाकुर्ली येथे 20 उपमार्गिका तयार केल्या जातील. त्यासाठी 238 नवीन लोकल रेक्सची व्यवस्था केली जाणार आहे. तसेच नवीन फलाटांची संख्या वाढवून ट्रेनची सुरळीत हालचाल सुनिश्चित केली जाणार आहे.
प्रत्येक विभागातील फेऱ्यांमध्येही मोठी वाढ होणार आहे. उदाहरणार्थ:
-
सीएसएमटी-ठाणे (धीम्या) मार्गावर दर चार मिनिटांनी 36 फेऱ्या वाढवण्यात येणार आहेत.
-
ठाणे-कळ्याण (धीम्या) मार्गावर 54 फेऱ्या, दर चार मिनिटांनी.
-
सीएसएमटी-कळ्याण (जलद) मार्गावर 210 फेऱ्या दर चार ते सहा मिनिटांनी.
-
कळ्याण-कसारा (धीम्या) मार्गावर 328 फेऱ्या, दर चार ते पाच मिनिटांनी.
-
कळ्याण-कर्जत (धीम्या) मार्गावर 272 फेऱ्या, दर चार ते सहा मिनिटांनी.
हेही वाचा: Mumbai Railway Megablock : उद्या प्रवासापूर्वी रेल्वेचं वेळापत्रक नक्की बघा; मेगाब्लॉकमुळे होऊ शकतो मनस्ताप
याशिवाय कर्जत-खोपोली मार्गावर 86 फेऱ्या दर 20 मिनिटांनी चालवल्या जाणार आहेत. ठाणे-नरुळ वाशी मार्गावर 138 फेऱ्या दर सहा मिनिटांनी सुरू असतील, तर सीएसएमटी-पनवेल (धीम्या) मार्गावर 16 फेऱ्या दर चार ते सहा मिनिटांनी ठरवण्यात आले आहेत.
रेल्वे मंत्री अश्विनी वैष्णव यांनी या प्रकल्पाला प्राथमिक मान्यता दिली असून, पुढील काळात त्याची अंमलबजावणी सुरु होईल. मुंबईकरांसाठी ही योजना फायद्याची ठरणार असून, गर्दीपासून सुटका मिळेल आणि प्रवास अधिक सुरक्षित व सोयीस्कर होईल.
मुंबईतील प्रवाशांसाठी हा एक मोठा बदल असून, लोकलची शटल सेवा सुरू झाल्यानंतर शहरातील ट्रॅफिकच्या ताणातही घट होण्याची शक्यता आहे. प्रवाशांना जलद, सुरक्षित आणि आरामदायी प्रवासाची नवीन दृष्टीसपटल मुंबई रेल्वेने तयार केली आहे.