Kim Jong Un Successor : उत्तर कोरियाचे नाव ऐकताच सर्वात प्रथम तेथील हुकूमशहा किम जोंग उन याचे नाव आणि त्याचे किस्से आठवतात. सध्या किम जोंग याच्या तब्येतीच्या तक्रारी सुरू असल्याचे सांगण्यात येत आहे. याशिवाय, त्याच्यासोबत अनेक सार्वजनिक कार्यक्रमांमध्ये त्याची मुलगी जू ए दिसू लागली आहे. यामुळे जू ए किम जोंगची उत्तराधिकारी असेल का, अशी चर्चा सुद्धा सुरू झाली आहे.
काही मीडिया रिपोर्टसमध्ये किम जोंग उन त्यांच्या बहिणीला त्यांचा उत्तराधिकारी म्हणून घोषित करू शकतात, असे म्हटले आहे. मात्र, यापैकी काहीही झाले तरी, ती उत्तर कोरियाच्या इतिहासातील मोठी घटना असेल. कारण, उत्तर कोरियाची सूत्रे प्रथमच एखाद्या महिलेकडे जातील.
जागतिक पातळीवर अनेक माध्यमे आणि मोठ्या वृत्तसंस्था असा दावा करत आहेत की, किम जोंग त्याची मुलगी किम जू ए हिला त्याची उत्तराधिकारी बनवू शकतो. किम जोंग त्यांच्या मुलीला उत्तर कोरियाची सूत्रे सोपवली तर वर्षांची 12 जू ए या देशाच्या सर्वोच्चपदी येईल. किम जोंग याच्यासोबत अनेक सार्वजनिक कार्यक्रमांमध्ये त्याची मुलगी जू ए दिसू लागली आहे याचा अर्थ किम जोंग आपल्या मुलीला अणुऊर्जेवर चालणाऱ्या देशाची सूत्रे हाती घेण्यासाठी तयार करत आहेत, असे काही माध्यमांनी म्हटले आहे.
हेही वाचा - France Violence: नेपाळनंतर फ्रान्सच्या रस्त्यांवर उफाळला हिंसाचार! राष्ट्राध्यक्ष मॅक्रॉन यांच्या विरोधात केली निदर्शने
किम जोंग त्यांच्या मुलीला सत्ता सोपवू शकतात
न्यू यॉर्क टाईम्सच्या वृत्तानुसार, किम जोंग त्यांच्या मुलीला त्यांचा उत्तराधिकारी बनवण्याचा प्रयत्न करत असल्याचे दिसते. दक्षिण कोरियाच्या राष्ट्रीय गुप्तचर सेवेचे (NIS - एनआयएस) नवे प्रमुख चो ताई योंग यांनीही असेच म्हटले आहे. तथापि, त्यांनी सांगितले की अद्याप कोणताही औपचारिक निर्णय झालेला नाही.
किम जू ए 12 वर्षांची आहे
किम जू ए चे अचूक वय अद्याप माहीत नाही. परंतु, दक्षिण कोरियाच्या गुप्तचर संस्थांचा असा विश्वास आहे की ती सुमारे 12 वर्षांची आहे. किम जोंगची मुलगी पहिल्यांदा नोव्हेंबर 2022 मध्ये सार्वजनिक ठिकाणी दिसली. त्यानंतर किमने एका कार्यक्रमात बॅलिस्टिक क्षेपणास्त्रासमोर तिचा हात धरला. तेव्हापासून ती राज्य माध्यमांमध्ये एक प्रसिद्ध व्यक्ती बनली आहे आणि अनेकदा लष्करी आणि औपचारिक समारंभात तिच्या वडिलांसोबत दिसते.
उत्तर कोरियाच्या प्रेसने कधीही किम जू ए चे नाव घेतले नाही आणि तिला फक्त किम जोंग उनची सर्वात प्रिय मुलगी म्हणून वर्णन केले आहे. किम जू ए चा आवाज कधीही सार्वजनिक ठिकाणी ऐकू आला नाही आणि ती कोणतेही अधिकृत पद धारण करत नाही. तरीही, गुप्तचर संस्था आणि प्रादेशिक तज्ज्ञ तिला किम राजवटीत देशाच्या चौथ्या पिढीच्या नेतृत्वासाठी एक प्रमुख दावेदार मानतात.
मोठ्या कार्यक्रमांमध्ये पाहिले
राजकीय तज्ज्ञांनी जू ए च्या सार्वजनिक व्यक्तिमत्त्वातील बदलही अधोरिखित केला आहे. ती अजूनही लहान आहे. परंतु, ती उच्च जनरल आणि मान्यवरांसोबत स्टेज शेअर करण्यास सोयीस्कर वाटते. किम जू ए ने क्षेपणास्त्रांजवळ पोज दिली आहे आणि तपासणी दरम्यान तिच्या वडिलांच्या शेजारी उभी राहिली आहे. ती वरिष्ठ अधिकाऱ्यांसोबतच्या हाय-प्रोफाइल छायाचित्रांमध्ये उपस्थित राहिली आहे. 2023 च्या लष्करी परेड दरम्यान एका खास क्षणी, एक सर्वोच्च जनरल तिच्यासमोर गुडघे टेकताना दिसला. हा सन्मान सध्या फक्त किम जोंग उन यांना दिला जातो.
जू ए ला उत्तर कोरियाची कमान मिळाली तर ती देशाची पहिली महिला नेता होईल. मात्र, विश्लेषकांचे म्हणणे आहे की, राजवंशाची सत्तेवरील पकड कायम ठेवण्यासाठी असा बदल केला जाऊ शकतो.
किम जोंगला दोन मुले आहेत की तीन?
दक्षिण कोरियाच्या गुप्तचर संस्थेचे असे म्हणणे आहे की, किम जोंग उन यांना दोन मुले आहेत. तर काही जण किम जोंग याला तीन मुले असू शकतात, असेही म्हणतात. परंतु त्याची पुष्टी झालेली नाही. यापैकी एक मुलगा आहे, असेही सांगितले जाते. परंतु, यापैकी जू ए ही एकमेव आहे, जी सार्वजनिकरित्या दिसली आहे. शिवाय, काही ठिकाणी किम याला मुलगा असूनही मुलगी जू ए त्याची उत्तराधिकारी असू शकते, अशीही चर्चा आहे.
हेही वाचा - Nepali Prisoners: 10 नेपाळी कैद्यांचा भारतात घुसखोरी करण्याचा प्रयत्न फसला; सीमा सुरक्षा दलाने केली अटक
किमच्या आरोग्य समस्या आणि कारणे
संभाव्य उत्तराधिकारी म्हणून तिचा उदय किमच्या आरोग्याच्या समस्यांमुळेही असू शकतो. 41 वर्षीय किम जोंग उन हृदयविकाराने ग्रस्त आहे. त्यांची उंची सुमारे 5 फूट 7 इंच आहे आणि त्यांचे वजन सुमारे 130 किलो आहे. अधिकाऱ्यांचे म्हणणे आहे की, त्यांच्या जीवनशैलीत वारंवार धूम्रपान करणे, जास्त मद्यपान करणे, जास्त खाणे आणि शस्त्रास्त्रांच्या संशोधनावर लक्ष केंद्रित करून रात्री उशिरा इंटरनेटवर सर्फिंग करणे यांचा समावेश आहे. यामुळे किम जोंग यांच्या आरोग्याच्या समस्या वाढत आहेत.
दुसऱ्या महायुद्धानंतर उत्तर कोरियाची स्थापना करणाऱ्या किम इल सुंग यांच्या काळापासून किम राजवंशाचे राज्य आहे. त्यांचा मुलगा किम जोंग इल याने 2011 मध्ये त्यांच्या मृत्यूपर्यंत सत्ता सांभाळली आणि नंतर त्याने त्याचा मुलगा किम जोंग-उन याच्याकडे सत्तेची सूत्रे सोपवली.