मुंबई: बिटकॉइन, डिजिटल चलन हे सर्वाधिक सुप्रसिद्ध असलेला एक गुंतवणुकीचा स्रोत. त्याचीच आज एक मोठी घडामोड समोर आली आहे अर्थात जगातील एक चमत्कार, बिटकॉइन, डिजिटल चलन 2009 साली फक्त $0.002 (सुमारे ₹0.15) या अत्यल्प किमतीत उपलब्ध होते. सुरुवातीला या चलनाकडे फारसं लक्ष दिलं गेलं नाही. पण आज बिटकॉइनने गुंतवणूकदारांच्या आयुष्यात आर्थिक क्रांती घडवून आणली आहे.
जर तुम्ही 2011 साली ₹1,00,000 बिटकॉइनमध्ये गुंतवले असते, तेव्हा त्या रकमेत तुम्हाला सुमारे 1,000 बिटकॉइन मिळाले असते. आज 2024 मध्ये एका बिटकॉइनची किंमत $1,00,000 (सुमारे ₹83 लाख) च्या जवळ पोहोचली आहे. याचा अर्थ, तुमची ₹1,00,000 ची गुंतवणूक आज ₹175 कोटींपेक्षा जास्त झाली असती.
बिटकॉइनचा प्रवास चढ-उतारांनी भरलेला आहे. 2013 साली बिटकॉइनची किंमत $590 पर्यंत वाढली, तर 2017 साली ती $19,000 च्या पातळीवर पोहोचली. 2021 हे वर्ष बिटकॉइनसाठी ऐतिहासिक ठरले, जेव्हा त्याने $64,400 चा उच्चांक गाठला.
बिटकॉइनची किंमत वाढण्यामागे ब्लॉकचेन या प्रगत तंत्रज्ञानाची महत्त्वाची भूमिका आहे. हे तंत्रज्ञान सुरक्षित, पारदर्शक आणि केंद्रीकरणविरहित प्रणालीसाठी ओळखले जाते. यामुळे बिटकॉइनसारख्या क्रिप्टोकरन्सीला जागतिक मान्यता मिळत आहे.
तथापि, क्रिप्टोकरन्सी बाजारातील अस्थिरता लक्षात घेऊन गुंतवणूक करताना धोके लक्षात घ्यावे लागतात. किंमतीतील चढ-उतार कोणत्याही क्षणी तुमच्या गुंतवणुकीवर परिणाम करू शकतात.