Kerala Bank Robbery : आयुष्यात सरळ मार्गावर राहण्यासाठी कोणाचा तरी धाक असणं आवश्यक असतं, असं म्हणतात. मात्र, या धाकामुळे किंवा एखाद्याच्या भीतीमुळे माणून सरळ मार्गाऐवजी भलत्याच मार्गाला गेला तर..? केरळमध्ये राहणाऱ्या एका व्यक्तीने चक्क बायकोच्या भीतीने थेट बँकेवर टाकला दरोडा टाकल्याचा प्रकार समोर आला आहे. या चोराला पोलिसांनी अटक केली आहे.
पोलिसांनी अटक केलेल्या आरोपीचे नाव रिजो अँटनी (42) असे आहे. शुक्रवारी अँटनी हा त्रिस्सूर जिल्ह्यातील पोट्टा येथील फेडरल बँकेत घुसला आणि त्याने चाकूचा धाक दाखवून सर्व बँक कर्मचाऱ्यांना बाथरूममध्ये बंद केले. यानंतर तो बँकेतील 15 लाख रुपयांची रोकड लुटून स्कूटरवरून फरार झाला होता. दरम्यान, त्रिस्सूरचे डीआयजी हरी शंकर यांनी दिलेल्या माहितीनुसार, डिजीटल पुरावे आणि सीसीटीव्ही फुटेजच्या मदतीने पोलिसांनी अँटनीचा शोध घेतला.
हेही वाचा - 'आम्ही जीवन संपवणार' असं अमेरिकेतल्या भावाला पहाटे फोन करून सांगितलं.. नातेवाईक येईपर्यंत खेळ खलास!
केरळमध्ये एका वर्दळीच्या रस्त्यावर बँकेत दरोडा टाकण्यात आल्याचा प्रकार काही दिवसांपूर्वी समोर आला होता. अवघ्या अडीच मिनिटांमध्ये हा चोर बँकेतील रक्कम लुटून फरार झाला होता. पोलिसांनी दिलेल्या माहितीनुसार, चोरी केल्यानंतर आरोपी थेट त्याच्या घरी गेला. त्यानंतर त्याने दरोड्याच्या वेळी घातलेले जॅकेट बदलले. अखेर घटनेच्या तीन दिवसांनंतर या आरोपीला बेड्या ठोकण्यात आल्याची माहिती पोलिसांनी दिली आहे.
पोलिसांनी दिलेल्या माहितीनुसार, आरोपी हा नियमीतपणे बँकेच्या समोर असणाऱ्या चर्चेमध्ये जात असे. चर्चेमधून तो बँकेतील सुरक्षा कशी असते, हे पाहू शकत होता. तेथूनच बँकेतील सुरक्षाव्यवस्था कशी आहे याबद्दल त्याने सविस्तर माहिती गोळा केली, इतकेच नाही तर, बँकेत येणाऱ्या जाणाऱ्यांकडे पाहून त्याने बँकेच्या शाखेत सर्वात कमी ग्राहकांची गर्दी कोणत्या वेळेत असते, हे शोधून काढले, अशी माहिती पोलिसांनी दिली.
चोर कसा सापडला?
'दरोडा टाकला त्या दिवशी तो बँकेत खोटी नंबर प्लेट लावलेल्या स्कूटरवरून आला. पण सीसीटीव्ही फुटेजमध्ये दरोड्याच्या घटनेनंतर हीच स्कूटर परिसरात फिरताना दिसून येत होती. त्यानंतर पोलिसांनी त्याच कंपनीची स्कूटर वापरणाऱ्या लोकांचा शोध घेण्याचा निर्णय घेतला. चर्चमधून अशी स्कूटर वापरणाऱ्यांची यादी पोलिसांनी मिळवली आणि त्या स्कूटर मालकांच्या हालचालींवर लक्ष ठेवले. अशा प्रकारे आम्ही संशयित आरोपीपर्यंत पोहचलो,' अशी माहिती डीआयजींनी दिली.
हेही वाचा - Crime News : व्हॉट्सअॅप कॉलवर CBI आणि RBI डायरेक्टर असल्याचे सांगून महिलेची 95 लाखांची फसवणूक
पत्नी परत येण्याआधी कर्ज फेडायचे होते
डीआयजी शंकर यांनी सांगितले की, आरोपी बेरोजगार आहे. आखाती देशात नर्स म्हणून काम करणाच्या पत्नीने पाठवलेल्या पैशांवर तो आपला उदरनिर्वाह करतो. 'तो ऐषआरामाचे जीवन जगत होता, त्याने पत्नीने पाठवलेले पैसे वाया घालवले. त्याने 10 लाख रुपयांचे कर्जही करून ठेवले होते. त्याची पत्नी पुढच्या महिन्यात घरी येणार असल्याने, त्याला ते कर्ज फेडायचे होते आणि म्हणूनच त्याने दरोड्याची योजना आखली. अवघ्या दोन आठवड्यांत त्याने ही योजना आखली,' असेही डीआयजी म्हणाले.