Palghar Chemical Factory Blast: पालघर जिल्ह्यात गुरुवारी संध्याकाळी भीषण स्फोटाची घटना घडली. लिंबानी मीठ उद्योग नावाच्या रासायनिक कारखान्यात झालेल्या या अपघातात एका कामगाराचा जागीच मृत्यू झाला, तर चार कामगार जखमी झाले आहेत.
धातू-आम्ल मिश्रणामुळे स्फोट
जिल्हा आपत्ती व्यवस्थापन कक्ष प्रमुख विवेकानंद कदम यांनी दिलेल्या माहितीनुसार, स्फोटाची वेळ संध्याकाळी सुमारे 7.30 वाजता होती. त्यावेळी एकूण पाच कामगार कारखान्यात काम करत होते. धातू आणि आम्ल यांचे मिश्रण या अत्यंत प्रतिक्रियाशील प्रक्रियेदरम्यान स्फोट झाला. यामध्ये एकाचा जागीच मृत्यू झाला. तथापी, या स्फोटात दोन कामगार गंभीर जखमी असून त्यांच्यावर रुग्णालयात उपचार सुरू आहेत. आणखी दोन जणांना किरकोळ दुखापती झाल्या असून त्यांची प्रकृती स्थिर असल्याचे अधिकाऱ्यांनी सांगितले.
हेही वाचा - Madhubhai Kulkarni : पंतप्रधान नरेंद्र मोदींना राजकारणात आणणारे आरएसएसचे ज्येष्ठ प्रचारक मधुभाई कुलकर्णी यांचे निधन
आपत्कालीन पथके घटनास्थळी
स्फोटानंतर कारखान्यात धूर पसरला. अग्निशमन दल आणि आपत्ती व्यवस्थापन पथके तातडीने घटनास्थळी दाखल झाली व त्यांनी परिस्थितीवर नियंत्रण मिळवले. स्थानिक पोलिसांनी स्फोटस्थळाला भेट देऊन पंचनामा केला असून या घटनेची चौकशी सुरू करण्यात आली आहे.
हेही वाचा - Chhagan Bhujbal : 'आंतरवाली सराटीच्या हल्ल्यात शरद पवारांचा हात'; छगन भुजबळांचा गंभीर आरोप
सविस्तर अहवाल आल्यानंतर पुढील कायदेशीर कारवाई होणार असल्याची माहिती पोलिसांनी दिली. या घटनेमुळे परिसरातील नागरिकांमध्ये भीतीचे वातावरण निर्माण झाले असून कारखान्यातील सुरक्षा उपाययोजनांवर प्रश्नचिन्ह उभे राहिले आहे.