सावधान! तुमची जीभ या रंगाची आहे का? किडनीला असू शकतो गंभीर धोका; जाणून घ्या तज्ज्ञांचे मत

Tongue color shows signs of kidney damage.आपल्या शरीरात अनेक वेळा काही गंभीर आजारांचे संकेत अगदी लहानसहान बदलांमधून मिळू शकतात. त्यातील एक अत्यंत महत्वाचा आणि दुर्लक्षित संकेत म्हणजे जिभेचा रंग बदलणे. जीभ हा एक असा अवयव आहे जो केवळ चव घेण्यासाठी नाही तर शरीराच्या आरोग्य स्थितीचे प्रतिबिंब दाखवण्यासाठी ओळखला जातो.

निरोगी जीभ कशी दिसते?
नॉर्मली, एका आरोग्यदृष्ट्या चांगल्या व्यक्तीची जीभ गुलाबी रंगाची असते आणि तिच्या पृष्ठभागावर लहान उंचवटे असतात, जे पपिली म्हणतात. परंतु, जेव्हा ही जीभ पांढरी, पिवळी, जांभळी किंवा विशेषतः निळसर रंगाची दिसू लागते, तेव्हा ते आरोग्याच्या दृष्टीने धोक्याचं लक्षण मानलं जातं.

निळसर जीभ म्हणजे काय?
जर जीभ निळसर किंवा निळट दिसू लागली, तर तो एक संकेत असतो की रक्तात ऑक्सिजनची कमतरता झाली आहे – या स्थितीला सायनोसिस म्हणतात. ही अतिशय गंभीर अवस्था असते कारण हृदय, मेंदू, किडनी आणि इतर अवयवांना योग्य प्रमाणात ऑक्सिजन न मिळाल्यास त्यांचे कार्य थांबण्याची शक्यता निर्माण होते. ही समस्या अनेकदा हृदयविकार, श्वसनाचे आजार, किंवा किडनी फेल होण्यामुळे उद्भवते.

किडनीशी काय संबंध?
जेव्हा किडनी योग्यप्रकारे कार्य करत नाही, तेव्हा शरीरात विषारी घटक साचू लागतात. याचा परिणाम शरीराच्या रक्तप्रवाहावर होतो आणि त्यामुळे ऑक्सिजनचा अभाव निर्माण होतो. त्यामुळे जीभ निळसर दिसण्यामागे किडनी निकामी होण्याचाही धोका असतो.

इतर संभाव्य कारणं कोणती?

-हृदयविकार व रक्तप्रवाहातील अडथळे
-फुफ्फुसांच्या कार्यातील बिघाड
-दीर्घकाळ टिकणारे श्वसनाचे त्रास
-रक्तातील हिमोग्लोबिनची कमी
-एक्झिमा (विशेषतः ऑरल एक्झिमा)

लक्षणांकडे दुर्लक्ष नका करू
निळसर जीभसोबत जर तुम्हाला दम लागणे, छातीत दुखणं, बारीक थरथर, अंगावरून घाम येणं किंवा चक्कर येणं असे लक्षणं जाणवत असतील, तर तात्काळ डॉक्टरांशी संपर्क साधा. कारण ही परिस्थिती 'ब्लू डिस्कलरेशन सिंड्रोम'शी संबंधित असून जीवघेणी ठरू शकते.

तज्ञांचा सल्ला घ्या
फक्त घरगुती उपाय किंवा इंटरनेटवर सर्च करून थांबू नका. कोणताही अनियमित बदल, विशेषतः जीभेचा रंग, हा एक गंभीर संकेत असू शकतो. लवकर निदान आणि योग्य वैद्यकीय उपचार हेच या समस्येपासून वाचण्याचा एकमेव मार्ग आहे.

Disclaimer : ही माहिती केवळ सामान्य ज्ञानासाठी प्रदान केली आहे. जय महाराष्ट्र या माहितीची कोणतीही हमी देत नाही. आरोग्यविषयक कोणताही निर्णय घेण्यापूर्वी तज्ज्ञ किंवा डॉक्टरांचा सल्ला घ्या